በቶራ የበጎ አድራጎት ድርጅት ስር የሚረዱ ሕፃናት እና ታዳጊዎች እንዲሁም በጎ ፈቃደኛ ወጣቶች በባንካችን ዋና መ/ቤት በመገኘት ነገ የምናከብረውን የ2019 አዲስ ዓመት ማብሰሪያ የሆነውን የእንቁጣጣሽ ወይም “አበባ አየሽ ሆይ” ዜማ አቀረቡ።  

እነዚህ በቁጥር  30 የሆኑ ሕፃናት፣ ታዳጊዎች እና ድርጅቱን በበጎ ፈቃደኝነት የሚያገለግሉ ወጣቶች በሃገር ባህል ልብስ አምረውና ደምቀው  ሲጨፍሩ እና ሲወዛወዙ  የታዳሚውን አይን በእጅጉ ስበው ነበረ።      

ማኅበራዊ ኃላፊነቱን ለመወጣትና የማኅበረሰባችንን ችግሮች ለማቃለል ሁሌም የሚተጋው ባንካችን አቢሲንያም እነዚህን ሕፃናት ሰብስቦ ለሚያሳድገው ቶራ የበጎ አድራጎት ድርጅት የብር 200,000(ሁለት መቶ ሺሕ) ድጋፍ
አድጓል፡፡

በዝግጅቱ ላይ የተገኙት የቶራ በጎ አድራጎት ድርጅት  ዋና ሥ/አስኪያጅ የሆኑት አቶ ሳምሶን ገብረ እግዚአብሔርም ባንካችን
ላደረገላቸው የገንዘብ ድጋፍ ከልብ አመስግነዋል፡፡

ቶራ የበጎ አድራጎት ድርጅት ከተቋቋመበት 2012 ዓ.ም ጀምሮ  ወላጅ አልባ ሕፃናትን እና በችግር ውስጥ ያሉ ሴቶችን በምግብ፣ በገንዘብ፣ በቁሳቁስ እንዲሁም የሙያ ክህሎት ስልጠናዎቸን በመስጠት ሲደግፍ እንደቆየ ከድርጅቱ የተገኘው መረጃ ያመለክታል።

ዛሬ ጷግሜ 5 ቀን 2018 ዓ.ም በባንካችን ዋና መ/ቤት በተካሄደው በዚህ ደማቅ ሥነ-ሥርዓት ላይም የባንካችን የበላይ የስራ አመራሮች እና ሠራተኞች የቶራ የበጎ አድራጎት ድርጅት ተወካዮች እንዲሁም ሌሎች ጥሪ የተደረገላቸው እንግዶች ተገኝተዋል።