የባንካችን ሐዋሳ ዲስትሪክት የሥራ ኃላፊዎችና ሠራተኞች በጋሞ ዞን በመሬት መንሸራተት ጉዳት ለደረሰባቸው ወገኖች የብር 1.3 ሚሊዮን የገንዘብና የአይነት ድጋፍ አደረጉ።

መጋቢት 9 ቀን 2018 ዓ.ም በዞኑ ዋና ከተማ አርባ ምንጭ በተከናወነው የድጋፍ ርክክብ ሥነ-ሥርዓት ላይ የባንካችን ሐዋሳ ዲስትሪክት ዳይሬክተር አቶ ሳኒ ቦቸሬን ጨምሮ ሌሎች የሥራ ኃላፊዎችና ሠራተኞች፣ የጋሞ ዞን የመንግሥት ኮሚኒኬሽንና የብልጽግና ፓርቲ ዋና ጸሐፊ አቶ ገዛኻኝ ጋሞና ሌሎች የስራ ሐላፊዎች ተገኝተዋል።

‎የባንካችን ሐዋሳ ዲስትሪክት ዳይሬክተር አቶ ሳኒ ቦቸሬ “በዞኑ በደረሰው የተፈጥሮ አደጋ የባንኩ ኃላፊዎችና ባልደረቦች ልባዊ ኅዘን የተሰማቸው መሆኑን ገልጸው ከሐዋሳ ዲስትሪክት የሥራ ኃላፊዎችና ሠራተኞች የብር 1 ሚሊዮን የጥሬ ገንዘብ እንዲሁም የብር 300 ሺህ የአይነት ድጋፍ አበርክተናል” ብለዋል።

የጋሞ ዞን የመንግሥት ዋና ተጠሪ እና የብልጽግና ቅርንጫፍ ጽ/ቤት ኃላፊ አቶ ገዛኻኝ ጋሞ በበኩላቸው አቢሲንያ ባንክ ከሕዝብና መንግሥት ጎን በመቆሙ አመስግነዋል።